काठमाडौं । भदौ २४ गते आगजनी गरिएको कोटेश्वरस्थित भाटभटेनी शनिबारबाट खुल्ने भएको छ । शनिबार बिहानदेखि नै सेवाग्राहीलाई सेवा दिन तयार रहेको भाटभटेनीका अध्यक्ष मिनबहादुर गुरुङले जानकारी दिए ।
भदौ २३ मा भएको जेनजी आन्दोलनको भोलिपल्ट भएको विध्वंसमा भाटभटेनीको कोटेश्वरसहितका ११ वटा स्टोर आगजनी गरिएको थियो ।
आगजनीले ध्वस्त भएको भवन भाटभटेनीले पुनर्निर्माण गरी पाँच महिनामै सञ्चालनमा ल्याएको हो ।
एक विज्ञप्तिमार्फत् भाटभटेनीले भनेको छ– आगजनीबाट क्षतिग्रस्त भएका आफ्ना स्टोरहरुमध्ये पहिलो चरणमा कोटेश्वर सुपरस्टोर पुनः सञ्चालनमा ल्याउको घोषणा गर्न पाउँदा खुसी लागेको छ ।”
शनिबार बिहान १० बजेदेखि पुनः सञ्चालनमा ल्याउनेगरी सम्पूर्ण तयारी गरिएको भाटभटेनीले जनाएको छ ।
नक्सालस्थित पहिलो भाटभटेनीसहित महाराजगन्ज र चुच्चेपाटी भाटभटेनी भने तत्काल सञ्चालनमा आउन सक्ने अवस्थामा छैनन् ।
राधेराधे, सानागाउँ, पाटन, कलंकी, टोखा, त्रिपुरेश्वर, अनामनगर लगायतका स्थानका भाटभटेनीहरु भने सुचालु छन् ।
प्रतिक्रिया