काठमाडौं । नेपालको साहसिक र अनुभवमा आधारित पर्यटन प्रवर्द्धन गर्ने उद्देश्यले ललितपुरमा ‘आठौं नेपाल राइडर्स मिट’ सुरु भएको छ ।
नेपाल उद्योग वाणिज्य महासंघका कार्यकारिणी समिति सदस्य तथा खेलकुद तथा मनोरञ्जन समिति सभापति हरिबहादुर कार्कीले नेपाल राइडर्स मिटको उद्घाटन गरे ।
द हिमालयन मोटरसाइकल एक्सपेरियन्सद्वारा आयोजित कार्यक्रममा नेपाल सहित भारत, भुटान र म्यानमार लगायत देशबाट ५ सय ५० भन्दा बढी राइडर सहभागी भएका छन् ।
महासंघ कार्यकारिणी समिति सदस्य कार्कीले कार्यक्रम सफलताको शुभकामना प्रदान गर्दै यस्ता कार्यक्रमले साहसिक पर्यटनमार्फत मुलुकको अर्थतन्त्रलाई विकास गर्ने बताए ।
कार्यक्रम आयोजकहरुले बाइक राइडिङलाई पर्यटन प्रवर्द्धनको महत्वपूर्ण उत्पादनका रूपमा विकास गर्नुपर्ने बताए । उनीहरूले यस बाइक राइड मार्फत् भातृत्व विकासका साथै नेपालको संस्कृति प्रवद्र्धन गर्न पनि टेवा पुग्ने बताए ।
प्रतिक्रिया