काठमाडौं । नेपाल इटाली उद्योग वाणिज्य संघले नवनिर्वाचित सांसद बसुमाया तामाङलाई सम्मान ज्ञापन गरेको छ । संघका अध्यक्ष संजय अग्रवालको नेतृत्वमा सांसद बसुमाया तामाङलाई सम्मानमा तथा बधाई कार्यक्रम आयोजना गरिएको हो ।
संघकी एक सम्मानित सदस्य समेत रहेकी सांसद तामाङ व्यवसायिक समुदाय तथा सामाजिक विकासमा अग्रसर छिन् । उनलाई नेतृत्व र सक्रिय योगदानका लागि समेत चिनिन्छ ।
सो अवसरमा संघले सांसद तामाङलाई बधाई दिँदै आफ्नो नयाँ भूमिकामा अर्थपूर्ण योगदान पुर्याउने विश्वास व्यक्त गरेको छ ।
कार्यक्रममा संघका वरिष्ठ उपाध्यक्ष रुपक राजवंशी, कार्यकारी बोर्ड सदस्य सुनिता सिंह तथा अन्य बोर्ड सदस्यहरूको उपस्थिति रहेको थियो ।
प्रतिक्रिया