काठमाडौँ । नेपाल टेलिकमले रिचार्जमा शत प्रतिशत बोनस दिने निर्णय गरेको छ ।
कोरोना भाइरसको सङ्क्रमण फैलन नदिन सरकारले देशव्यापी लकडाउन घोषणा गरेसँगै ग्राहकको सहजताका लागि टेलिकमले यस्तो निर्णय गरेको हो ।
यो व्यवस्था बुधवार रातको १२ बजेपछिको रिचार्जमा मात्रै कार्यान्वयन हुनेछ ।
रिचार्ज रकम बराबरकै बोनस दिन मोबाइल सेवा प्रदायकलाई मङ्गलवार नेपाल दूरसञ्चार प्राधिकरणले निर्देशन दिएको थियो ।
टेलिकमले आफ्नो नेटवर्कभित्र प्रयोग गर्न सकिने गरी रिचार्ज जत्तिकै बोनस ब्यालेन्स रकम उपलब्ध गराउने निर्णय गरेको टेलिकमले जनाएको छ ।
बोनसबापतको रकम डाटा चलाउन र एसएमएस गर्न समेत प्रयोग गर्न सकिने छ । नेपाल टेलिकमबाहेकका अन्य नेटवर्कमा फोन गर्दा भने मुख्य ब्यालेन्सबाट शुल्क काटिनेछ ।
प्रतिक्रिया