काठमाडौं । नेपाल इन्फ्रास्ट्रक्चर बैंक लिमिटेडको रिक्त रहेको प्रमुख कार्यकारी अधिकृत पदमा रामकृष्ण खतिवडा नियुक्त भएका छन् ।
खतिवडालाई बैंक सञ्चालक समितिले बैंक तथा वित्तीय संस्था सम्बन्धी ऐन २०७३ तथा बैैंकको नियमावली बमोजिम माघ १ गतेदेखि लागू हुनेगरी बैंकको प्रमुख कार्यकारी अधिकृत पदमा नियुक्त गरेको हो ।
खतिवडाले एमबीएस, एमएस इन फाइनान्स, सीएफए, सीएचई लगायतको अध्ययन तथा कोर्स पूरा गरेका छन् ।
बैंकले रिक्त प्रमुख कार्यकारी अधिकृत पदपूर्तिका लागि पुस १० गते विज्ञापन सार्वजनिक गरेको थियो । जसमा शैक्षिक योग्यता, अनुभव, विजनेश प्लान, विजनेश प्लानको प्रस्तुतीकरण एवं अन्तर्वार्ता समेतको मूल्यांकनबाट उनलाई नियुक्त गरिएको बैंकले जनाएको छ ।
बैंकले माघ २ गतेदेखि जारी पूँजीको ४० प्रतिशतले हुने जम्मा ८ अर्ब रुपैंयाको आठ करोड कित्ता सेयर निष्कासन गर्ने भएको छ ।
प्रतिक्रिया