कांग्रेस पूर्वसभापति देवी न्यौपानेको रुखले किचेर निधन

काठमाडौं । नेपाली कांग्रेस दोलखाका पूर्व सभापति देवी प्रसाद न्यौपानेको दुखद् निधन भएको छ । न्यौपानेको बिहीबार आफ्नै घरनजिक रुखको मुढाले किचेर निधन भएको हो ।

न्यौपानेको घर साविकको जफे गाविस ७ र हालको तामाकोशी गाउँपालिका ३ रैकरमा पर्दछ घर छेउमा काटिएको रुखको मुढाले किचेर न्यौपानेको बिहीबार अपराह्न निधन भएको जनाइएको छ ।

न्यौपाने नेपाली कांग्रेस दोलखाका दुई पटक सभापति भएका थिए । पूर्व शिक्षकसमेत रहेका न्यौपाने जिल्लामा इमानदार र पुराना नेताका रुपमा चिनिन्छन् ।