सेयर बजारमा २४.४५ अंकको गिरावट, कारोबारमा भने वृद्धि

काठमाडौँ । बुधबार सेयर बजार परिसूचक नेप्से २४.४५ अंकले घटेर दुई हजार ९३५.३४ विन्दुमा पुगेको छ ।




आज बैंकिङ २२, विकास बैंक १५१, फाइनान्स ५६, होटल तथा पर्यटन ४, हाइड्रोपावर ६, जीवन बीमा १९२, माइक्रोफाइनान्स ८७, निर्जीवन बीमा १३७ र अन्य उपसमूह ४१ अंकले घटेको छ। त्यस्तै, आज उत्पादन ४९ र व्यापार उपसमूह १४२ अंकले बढेको छ ।


आज अभियान लघुवित्त वित्तिय संस्थाको सेयर ७.७४ प्रतिशतले घटेको छ । समग्रमा बजार घटेपनि रिलायन्स स्पिनिङ मिल्स, सुपर खुदी हाइड्रो, सोलु हाइड्रोपावर, भुजुङ हाइड्रोपावर र होटल फरेस्ट इनको सेयर १० प्रतिशतले बढेको छ ।




यस दिन ३४५ कम्पनीको तीन करोड ५८ लाख कित्ता सेयर १५ अर्बमा कारोबार भएको छ ।