काठमाडौँ ।
नेपाली युवा उद्यमी मञ्च काठमाडौं च्याप्टर र उद्योग वाणिज्य महासंघ स्टार्टअप एण्ड इनोवेशन कमिटीले नेपालमा युवा उद्यमशीलता र स्टार्टअपको वृद्धि र उत्थानका लागि एक साथ काम गर्न आपसी सहयोग सम्झौतामा हस्ताक्षर गरेको छ ।
महासंघ आफ्ना प्रतिनिधि रणजीत आचार्य प्रतिनिधित्वमा मञ्चको स्टार्टअप पुरस्कारमा साझेदार बन्न सहमत भएको हो । मञ्चका काठमाडौं अध्यायकातर्फबाट अध्यक्ष निरज कर्माचार्य सहभागी थिए ।
सकारात्मक व्यापार सोच र सशक्तिकरणको लक्ष्यसहित स्थापित मञ्चले नेपाली युवाहरुबीच विचार आदानप्रदान, फेलोसिप, शिक्षा, प्रशिक्षण र वकालतको माध्यमबाट उत्कृष्ट उद्यमीहरु सिर्जना गर्ने लक्ष्य लिएको छ । मञ्चले देशभित्रका सबै युवा उद्यमीलाई एक साथ ल्याउन सहयोग पुर्याउँदै आएको छ ।
प्रतिक्रिया