तोलामा ७ सयले घट्यो सुनको मूल्य

काठमाडौँ ।

नेपालको बजारमा आज सुनचाँदीको मूल्य घटेको छ ।

मंगलबार प्रतितोला ९१ हजार ४०० मा कारोबार भएको छापावाल सुन आज प्रतितोला ९० हजार ७०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । त्यस्तै, तेजाबी सुनको मूल्य प्रतितोला ९० हजार २०० रुपैयाँ तोकिएको छ ।

महासंघका अनुसार चाँदी प्रतितोला १० रुपैयाँले घटेसँगै एक हजार २२० रुपैयाँमा कारोबार भइरहेको छ ।