सेप्टेम्बरमा ‘आइफोन–१३’ सार्वजनिक हुँदै

काठमाडौँ ।

एप्पलको ‘आइफोन–१३’ सेप्टेम्बर १४ मा सार्वजनिक हुने भएको छ । सेप्टेम्बर १४ मा हुन लागेको ‘क्यालिफोर्निया स्ट्रिमिङ’ कार्यक्रममा कम्पनीले ‘आइफोन–१३’ सहित विभिन्न नयाँ उत्पादन सार्वजनिक गर्ने अनुमान गरिएको छ ।

नयाँ आइफोनमा सानो नोच र अल्वेज–अन डिस्प्ले हुनेछ। डिस्प्लेमा भने १२० हर्जको रिफ्रेस रेट हुनेछ। यसमा अल्ट्रा–वाइड सेन्सर र स्टेबलाइजेसन फिचर हुनेछ। कम्पनीले ‘आइफोन–१३’मा अपग्रेड भएको प्रोसेसर र ठूलो ब्याट्री पनि राख्ने जानकारी दिइएको छ । त्यस्तै, कार्यक्रममा नयाँ ‘एप्पल वाच–७’ सिरिजका स्मार्टघडी पनि सार्वजनिक हुने अनुमान गरिएको छ ।