काठमाडौँ ।
ओरियन्टल होटल्स लिमिटेडले २४ औं वार्षिक साधारण सभा बोलाएको छ । सभा असोज १९ गते कम्पनीको रजिष्टर्ड कार्यालय, लाजिम्पाट, काठमाडौँमा दिनको ११ बजे भर्चुअल माध्यम जुम एमबाट सञ्चालन गर्न लागेको हो ।
सभामा गत आव २०७७/७८ बाट कुनैपनि लाभांश प्रस्ताव गरिएको छैन । विश्वमहामारी कोभिड १९ संक्रमणको कारण होटल बन्द रहँदा गत आवमा होटलले २६ करोड ४ लाख रुपैयाँ नोक्सानी ब्यहोरेको थियो ।
आव २०७५/७६ बाट ५ प्रतिशत बोनस र १०.७९ प्रतिशत नगद वितरण गरेको होटलले विगत २ वर्षयता आम्दानी ठप्प हुँदा लाभांश वितरण गर्न सकेको छैन । सभाले संस्थापक शेयरधनीको तर्फतबाट ४, सर्वसाधारण शेयरधनीको तर्फबाट २ र एक स्वतन्त्र गरी ७ जना सञ्चालक निर्वाचन गर्ने सभाको कार्यतालिका छ ।
सभामा सञ्चालक समितिको २४ औं वार्षिक प्रतिवेदन उपर छलफल गरी पारित गर्ने, आर्थिक वर्ष २०७७/७८ को वित्तीय विवरण पारित गर्ने र लेखापरीक्षक नियुक्त गर्ने प्रस्तावहरु रहेका छन्।
प्रतिक्रिया