काठमाडौँ ।
नेपाल राष्ट्र बैंकबाट अनुमति प्राप्त अनलाईन भुक्तानी सेवा प्रदायक कम्पनी, खल्ती डिजिटल वालेटले ग्राहकहरुको अमुल्य प्रतिक्रिया तथा सुझावलाई मध्यनजर गर्दै खल्तीबाट बैंक खातामा नि:शुल्क रकम ट्रान्सफर गर्न सकिने अफर सञ्चालनमा ल्याएको छ ।
यस सेवा अन्तर्गत ग्राहकहरुले खल्तीबाट आफ्नो एक बैंक खाता सेभ गरी त्यसमा प्रत्येक अंग्रेजी महिनाको अधिकतम ५ पटक वा ५ हजार रूपैयाँ र दैनिक ३ पटक वा ५ हजार रूपैयाँसम्मको रकम निस्शुल्क ट्रान्सफर गर्न सक्नेछन् ।
त्यसैगरी खल्तीबाट खल्तीमा उपलब्ध कुनै पनि बैंकमा रकम ट्रान्सफर गर्ने जोकोहीले ५०५ सम्मको क्यासब्याक पाउनेछन् । जस्तै, यदी बैंक ट्रान्सफर शुल्क २० रूपैयाँ भएमा १० रूपैयाँ क्यासब्याक तुरुन्तै प्राप्त गर्न सकिन्छ।
यस निस्शुल्क पैसा पठाउन सकिने सुविधाले ग्राहकहरुको समय र पैसा बचत गर्न थप टेवा पुर्याउने खल्ती डिजिटल वालेटका मार्केटिंग अफिसर, साकार केसीले बतााएका छन् ।
प्रतिक्रिया