काठमाडौं ।
कामना सेवा विकास बैंकले नयाँ एनआरएन बचत खाता सञ्चालनमा ल्याएको छ । वैदेशिक रोजगारीमा रहेका नेपाली तथा नेपालमा रहेका परिवारका लागि बैंकले यो सेवा सञ्चालनमा ल्याएको हो ।
बैंकले ७ प्रतिशतको उच्चतम ब्याजदरसहित यस खातामा प्रथम वर्ष निःशुल्क मोबाइल तथा इन्टरनेट बैंकिङ सुविधा पनि उपलब्ध गराउने जनाइएको छ । विदेशमा रहेका नेपालीले रेमिट्यान्स तथा बैंकिङ प्रणालीबाट नेपालमा आफ्नो परिवारलाई पठाएको पैसालाई यो खातामा जम्मा गर्न सक्नेछन् ।
यसका साथै यस खातामार्फत खोलिने मुद्दती निक्षेपमा ०.५ प्रतिशत थप ब्याज उपलब्ध गराइने बैंकले जनाएको छ । यो खाता अनलाइन माध्यमबाट पनि खोल्न सकिने जनाइएको छ ।
प्रतिक्रिया