वाग्मती प्रदेशकी मुख्यमन्त्री शाक्यले दिइन् राजीनामा

मकवानपुर ।

वाग्मती प्रदेशकी मुख्यमन्त्री अष्टलक्ष्मी शाक्यले आज पदबाट राजीनामा दिएकी छन् । बुधबार दिउँसो १ बजेका लागि बोलाइएको प्रदेशसभाको बैठकलाई सम्बोधन गर्दै शाक्यले संविधानको धारा १६९ को उपधारा १ (क) बमोजिम राजीनामा दिएकी हुन् ।

शाक्यले प्रदेशसभा सचिवालयमा विश्वासको मत नपाउने निश्चित जस्तै भएपछि पदबाट राजीनामा दिएकी हुन् । वाग्मती प्रदेशमा एमालेका ४३ सांसद मात्रै छन् । त्यसबाहेक, माओवादी केन्द्रका २३, कांग्रेसका २२, एकीकृत समाजवादीका १३, जनता समाजवादी पार्टीका १, विवेकशील साझाका ३, नेपाल किसान मजदुर पार्टी (नेमकिपा) र राप्रपाका २ जना छन् ।