Logo

राजनीति

समाजवादी इन्जिनियरिङ एसोसिएसनकाे प्रथम राष्ट्रिय भेला काठमाडौँँमा सुरु


GDP नेपाल
   १४ कार्तिक २०७८, आइतबार


काठमाडौँ ।

समाजवादी इन्जिनियरिङ एसोसिएसन नेपालको प्रथम राष्ट्रिय भेला काठमाडौँँमा सुरु भएको छ । नेकपा एकीकृत समाजवादीका अध्यक्ष माधव कुमार नेपालको प्रमुख आतित्थ्यतामा सो भेला सुरु भएको हो ।

सो कार्यक्रममा बोल्दै एकीकृत समाजवादीका अध्यक्ष नेपालले विकास निर्माणका काममा इन्जिनियरको भूमिका निकै महत्वपूर्ण रहेको बताएका छन् । नेपालले देशभरका सबै इन्जिनियरहरुलाई आफ्नो काममा दत्तचित्त भएर लागिपर्न समेत आग्रह गरेका छन् । देश निर्माणमा प्रधानमन्त्री देखि सामान्य नागरिक समेत सचेत हुनुपर्ने जनाउँदै सबैलाई समाजवादी चिन्तनका साथ अघि बढ्न नेपालले आग्रह गरेका हुन् ।

यस्तै, देशमा अनुगमन प्रणाली र अनुसन्धान कमजोर भएका कारण गुणस्तरीय सडक, पुलपुलेसा निर्माण समयमै हुन नसकेको नेपालले औँल्याएका छन् । देशभरका झण्डै तीन सय इन्जिनियरहरुको सहभागीता रहेको भेलाले छिट्टै कार्य समितिको छनौट गर्ने जनाएको छ ।

कार्यक्रममा श्रम तथा सामाजिक विकास मन्त्री कृष्ण कुमार श्रेष्ठ किसान र नेकपा एस उपमहासचिव विजय पौडेलले भेलालाई सम्बोधन गर्नुहुँदै राष्ट्रिय निर्माणमा इन्जिनियरहरुको भूमीका महत्वपूर्ण रहेको र आफ्नो साथ समर्थन नेपाली इन्जिनियरहरुमाथि रहेको बताएका छन् ।

प्रकाशित : १४ कार्तिक २०७८, आइतबार

सूचना विभाग दर्ता नं.

                   
१२०७/२०७५/७६

सम्पर्क

Kupondole -10 Lalitpur Nepal
+9779841625018/9851090914
[email protected]

हाम्रो समूह

  • प्रधान सम्पादक
    विपेन्द्र कार्की
  • कार्यकारी निर्देशक
    कुमार खतिवडा
  • संवाददाता
    अस्मिता शाह