सामलिङ पावर कम्पनीको आइपीओ मंगलबार बाँडफाँट हुँदै

काठमाडौँ ।

सामलिङ पावर कम्पनीको आइपीओ मंगलबार बाँडफाँट हुने भएको छ । शेयर निष्कासन तथा विक्री प्रबन्धक नेपाल एसबिआई मर्चेण्ट बैंकिङ्ग लिमिटेडले बिहान ८ः३० बजे शेयर बाँडफाँट गर्ने तयारी गरेको हो ।

कम्पनीले सर्वासाधारणलाई छुट्याएको ६ लाख ७८ हजार ९ सय कित्ता शेयर खरिदमा मागभन्दा ३९ दशमलव ६७ गुणा बढी आवेदन परेको छ । कम्पनीको आइपीओमा २२ लाख ६५ हजार ६९८ आवेदकले २ करोड ६९ लाख ३३ हजार ५ सय कित्ताका लागि आवेदन दिएका थिए । कम्पनीले कात्तिक ४ गते देखि ८ गते सम्म ७ लाख ३० हजार कित्ता आइपीओ निष्कासन गरेको थियो ।