विराटनगर ।
प्रदेश १ का नवनियुक्त मुख्यमन्त्री राजेन्द्र राईले पद तथा गोपनीयताको शपथ लिएका छन् । राईलाई प्रदेश प्रमुख सोमनाथ अधिकारीसमक्ष शपथ लिएका हुन् ।
राईलाई प्रदेश प्रमुख अधिकारीले संविधानको धारा १६८ (२) अनुसार मंगलबार मुख्यमन्त्री नियुक्त गरेका हुन् । यस्तै, मुख्यमन्त्री राईले ६ सदस्यीय मन्त्रिपरिषद् गठन गरेका छन् ।
नवगठित मन्त्रिपरिषद्मा केदार कार्की आन्तरिक मन्त्री, हिमाल कार्की भौतिक मन्त्री, इन्द्र आङबो आर्थिक मामिला मन्त्री, जयराम यादव सामाजिक विकास मन्त्री र विष्णुमाया तुम्बाहाम्फे सामाजिक विकास राज्यमन्त्री बनेका छन् ।
नवनियुक्त मन्त्रीहरू र राज्यमन्त्रीले पनि आजै शपथ लिएका छन् ।
प्रतिक्रिया