गरिमा विकास बैंकको पहिलो त्रैमासमा १८ करोड ४४ लाख बढी नाफा

काठमाडौँ ।

गरिमा विकास बैंकले चालु आर्थिक वर्षको पहिलो त्रैमासमा १८ करोड ४४ लाख १९ हजार रुपैयाँ खुद नाफा कमाएको छ ।

यस्तै, समीक्षा अवधीसम्म खुद ब्याज आम्दानी ५१.५८ प्रतिशतले मात्र बढेपनि सञ्चालन नाफा १२६.९५ प्रतिशतले सुधार भएपछि खुद नाफामा आकर्षक वृद्धि भएको हो । गरिमाको निक्षेप संकलन र कर्जा लगानी पनि विस्तार भएको छ ।

यता, पहिलो त्रैमाससम्म आइपुग्दा गरिमाको प्रतिशेयर आम्दानी १० रुपैयाँ ४ पैसाले बढेर वार्षिक २० रुपैयाँ ७ पैसा पुगेको छ । प्रतिशेयर नेटवर्थ १४८ रुपैयाँ १४ पैसा छ । बैंकको रिजर्भ कोष पनि ५१.२७ प्रतिशतले बढेर १ अर्ब १० करोड रुपैयाँ नाघेको छ । गरिमा विकास बैंकले सहारा विकास बैंकलाई एक्वायर गरेर कात्तिक २८ गतेबाट एकीकृत कारोबार सुरु गर्न लागेको छ ।