सनराइज बैंकद्वारा ७ प्रतिशत लाभांश घोषणा

सनराइज बैंक लिमिटेडले लाभांश दिने घोषणा गरेको छ ।

बैंकले गत आर्थिक वर्षको मुनाफाबाट सेयरधनीलाई ७ प्रतिशत लाभांश वितरण गर्ने घोषणा गरेको हो ।सोमबार बसेको सञ्चालक समितिको बैठकले हाल कायम चुक्ता पूँजीको ६.६५ प्रतिशत बोनस शेयर र सोमा लाग्ने कर प्रयोजनार्थ ०.३५ प्रतिशत नगद लाभांश घोषणा गरेको हो। बैंकले सेयरधनीहरुलाई ६३ करोड ९ लाख रुपैयाँ बोनस सेयर दिने भएको छ ।

नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सो लाभांश वितरण गरिनेछ।