मुक्तिनाथ क्यापिटलको विशेष साधारणसभा सम्पन्न

काठमाडौँ ।

मुक्तिनाथ क्यापिटल लिमिटेडको विशेष साधारणसभा सम्पन्न भएको छ । क्यापिटलका अध्यक्ष सीताराम काफ्लेको अध्यक्षतामा कमलादी, काठमाडौँमा बसेको साधारणसभाले प्रस्तावित १ः१ को अनुपातमा हकप्रद शेयर निष्काशन गर्ने प्रस्ताव सर्वसम्मत पारित गरेको छ ।

हकप्रद शेयर निष्काशनपछि क्यापिटलको पुँजि वृद्धि भई ४० करोड ५० लाख पुग्ने जनाइएको छ । कम्पनीले चालु आर्थिक वर्षदेखि संस्थागत परामर्शदाता अन्तर्गतका सेवाहरु संचालन गर्ने योजना रहेको विज्ञप्तिमा जनाइएको छ । यसैगरी चालु आर्थिक वर्षभित्र मुक्तिनाथ विकास बैंक लिमिटेड कोष प्रबद्र्धक तथा मुक्तिनाथ क्यापिटल योजना व्यवस्थापक रहने गरी सामूहिक लगानी कोष सञ्चालन गर्ने योजना समेत रहेको जनाएको छ ।