एजेन्सी ।
पूर्वअमेरिकी राष्ट्रपति डोनाल्ड ट्रम्पले वासिङटनस्थित दी ट्रम्प इन्टरनेसनल होटेल बेच्ने भएका छन् ।
दी ट्रम्प अर्गनाइजेसनले सञ्चालनमा ल्याएको सो होटल करिब ३७५ मिलियन अमेरिकी डलरमा बिक्ने भएको छ । अन्तर्राष्ट्रिय सञ्चारमाध्यमका अनुसार ट्रम्पको चुनावी अभियानमा होटेलले लाखौं डलर गुमाएपछि अर्गनाइजेसनले सिजिआइ मर्चेन्ट ग्रुपलाई सो होटल लिजमा बेच्ने भएको हो । एक रिपोर्टका अनुसार ट्रम्पको चुनावी अभियानमा सो होटेलले ७० मिलियन डलरभन्दा बढि रकम गुमाएको पुष्टि भएको थियो ।
होटल बिक्रि भएसँगै नाम पनि परिवर्तन गरिने जनाइएको छ । होटेलको नयाँ नाम वाल्डोर्फ एस्टोरिया राखिने र सो होटेल व्यवस्थापनको जिम्मेवारी हिल्टोन ग्रुपले लिने मिडियाले बताएका छन् ।
प्रतिक्रिया