९ प्रतिशतले बढ्यो नेपाल इन्स्योरेन्स नाफा

काठमाडौँ ।

नेपाल इन्स्योरेन्सले चालु आर्थिक वर्षको पहिलो त्रैमाससिक वित्तिय विवरण सार्वजनिक गरेको छ ।

विवरण अनुसार पहिलो त्रैमासमा कम्पनीले ५ करोड ९५ लाख ११ हजार रुपैयाँ नाफा कमाएको छ । गत वर्षको तुलनामा कम्पनीको नाफा ९.११ प्रतिशतले बढेको हो । कम्पनीले गत वर्ष ५ करोड ४५ लाख ४४ हजार रुपैयाँ खुद नाफा कमाएको थियो ।

यसअवधिमा कम्पनीको बिमा कोषको आकार ३६.८६ प्रतिशतले बढेर ६२ करोड ३९ लाख १२ हजार रुपैयाँ पुगेको छ । गत वर्ष बिमा कोषमा ४५ करोड ५८ लाख ७० हजार रुपैयाँ थियो । खुद बिमा शुल्क ६.८५ प्रतिशतले बढेर २० करोड ३५ लाख ९० हजार रुपैयाँ पुगेको छ । अघिल्लो वर्षको अवधिमा यसले १९ करोड ५ लाख ४० हजार रुपैयाँ खुद बिमा शुल्क आर्जन गरेको थियो । प्रतिशेयर आम्दानी १९ रुपैयाँ १६ पैसा र प्रतिशेयर नेटवर्थ १८६ रुपैयाँ ४६ पैसा छ ।