एनएमबि बैंकले ३ अर्ब ५० करोडको ऋणपत्र निष्कासन गर्न पायो अनुमति

एनएमबि बैंकले ऋणपत्र निष्कासन गर्नका लागि नियामक निकाय नेपाल धितोपत्र बोर्डको अनुमति पाएको छ । बैंकले ३ अर्ब ५० करोड रुपैयाँ बरावरको ३५ लाख कित्ता ऋणपत्र निष्कासनका लागि मंसिर ३ गते बोर्डको अनुमति पाएको हो । बोर्डको अनुमति पाएसँगै बैंकले ऋणपत्र निष्कासनको मिति तय गर्नेछ । 

कुल ३५ लाख कित्ता ऋणपत्र मध्ये १४ लाख कित्ता ऋणपत्र सर्वसाधारणको लागि सार्वजनिक निष्कासन गर्नेछ भने २१ लाख कित्ता ऋणपत्र ब्यक्तिगत तबरबाट विक्री गर्नेछ ।  विक्री प्रबन्धक सिद्धार्थ क्यापिटल लिमिटेड रहेको छ । बैंकले वार्षिक ४ प्रतिशत ब्याजदरको १५ वर्षे अवधिका एनएमबि इनर्जी बोण्ड नामक ऋणपत्र निष्कासन गर्न लागेको हो ।