एक्सेल डेभलपमेन्ट बैंक लिमिटेडको हकप्रद सेयर बाँडफाँड भएको छ ।
बैंकले हाल कायम चुक्ता पुँजी १०ः३ को अनुपातमा एक सय रूपैयाँ अंकित दरमा ३० प्रतिशतले हुन आउने २४ करोड ३३ लाख ३६ हजार ३ सय ६७ रुपैयाँ ४२ पैसा बराबरको २४ लाख ३३ हजार ३ सय ६३ दशमलव ६७४२ कित्ता हकप्रद सेयर निष्कासन तथा बिक्री खुल्ला गरेको थियो ।
बैँकले दिएको अवधिभित्र रितपूर्वक आवेदन दिने ६ हजार एक सय ८० जना आवेदकहरूलाई २४ लाख ६ हजार एक सय ६ दशमलव ४७३८ कित्ता हकप्रद सेयर बाँडफाँड गरिएको बैंकले जनाएको छ । जस अनुसार अब नबिकेको २७ हजार २ सय ५७ कित्ता हकप्रद बैंक लिलाम बढाबढ गरी बिक्री गरिने छ ।
बैंकको हकप्रद सेयर निष्कासन गर्नका लागि निष्कासन तथा बिक्री प्रबन्धकको काम एनआईबिएल एस क्यापिटल लिमिटेडले गरेको थियो ।
प्रतिक्रिया