लाभांश पारित गर्न एचआईडिसीएलले बोलायो साधारण सभा

काठमाडौं ।

हाइड्रोइलेक्ट्रीसिटी इन्भेष्टमेण्ट एण्ड डेभपमेण्ट कम्पनी (एचआईडिसीएल) ले साधारण सभा आह्वान गरेको छ । कम्पनीले पुस २२ गते १० औं वार्षिक साधारण सभा आह्वान गरेको हो ।

कम्पनीका अनुसार सभा बिहान ९ बजे प्रधान कार्यालय हात्तिसार काठमाडौंमा हुने भएको छ । सभाले स्ञ्चालक समितिको बैठकले सिफरिस गरेको ८ प्रतिशत बोनस शेयर र शून्य दशमलव ४२१ प्रतिशत नगद लाभांश (कर प्रयोजनको लागि) वितरण गर्ने प्रस्ताव पारित गर्नेछ ।

साधारण सभा र लाभांश वितरण प्रयोजनको लागि कम्पनीले शेयरधनीदर्ता पुस्तिका पुस ५ गते बन्द गर्ने जानकारी गराएको छ । यस आधारमा पुस ४ गते सम्म कायम शेयरधनीले साधारण सभामा भाग लिन सक्नेछन् ।