नेपाल उद्योग वाणिज्य महासंघ, नेपाल उद्योग परिसंघ र नेपाल चेम्बर अफ कमर्सले पछिल्लो समय सिमेन्ट उद्योगका लगानीकर्तामाथि लगाइएको भ्रष्टाचार मुद्दाले निजी क्षेत्रलाई हतोत्साही बनाएको जनाएका छन् ।
अख्तियार दुरुपयोग अनुसन्धान आयोगले नौ वटा सिमेन्ट उद्योगीविरुद्ध भ्रष्टाचारको मुद्दा दायर गरेसँगै सोमबार एक संयुक्त विज्ञिप्तमा जारी गर्दै संघहरुले अख्तियारको सो कार्यप्रति आपत्ति जनाएका हुन् ।
कोभिड–१९ महामारीबाट विस्तारै तंग्रिन खोजिरहेको निजी क्षेत्रमाथि विभिन्न क्षेत्रबाट निरन्तर प्रहार भइरहेको जनाउँदै संघहरुले यस कार्यले नेपालमा लगानी प्रवद्र्धन, रोजगारी सिर्जना र समग्र अर्थतन्त्रको विकास एवं विस्तारमा नकारात्मक प्रभाव पार्ने ठहर गर्दै चिन्ता व्यक्त गरेका छन् ।
प्रतिक्रिया