पेट्रोलियम पदार्थको मूल्य फेरि बढेको छ । नेपाल आयल निगमले पेट्रोल, डिजेल र मट्टितेलको मूल्य प्रतिलिटर पाँच रुपैयाँले बढाएको हो ।
नयाँ मूल्य अनुसार अब उपत्यकामा पेट्रोल प्रतिलिटर १६० रुपैयाँ तथा डिजेल र मट्टितेल प्रतिलिटर १४३ रुपैयाँ पर्ने भएको छ । त्यस्तै, यसअघि प्रतिसिलिण्डर १५ सय ७५ रुपैयाँ रहेको खाना पकाउने एलपी ग्यास २५ रुपैयाँले बढेर १६ सय पुगेको छ ।
निगमका अनुसार आन्तरिक हवाई इन्धनमा ५ रुपैयाँ बढेर प्रतिलिटर १५६ रुपैयाँ कायम भएको छ भने अन्तर्राष्ट्रियतर्फ अमेरिकी डलर ५० ले बढेर प्रतिकिलोलिटर अमेरिकी डलर १ हजार ५४५ कायम गरिएको छ ।
पछिल्लो समय रुस र यूक्रेनबीच चर्किएको युद्धले अन्तर्राष्ट्रिय बजारमै पेट्रोलियम पदार्थको मूल्यवृद्धि भइरहेको छ ।
प्रतिक्रिया