अमेरिकाले अनुदानमा दिने ८० अर्ब स्वीकार गर्ने सरकारको निर्णय

सरकारले अमेरिकाले अनुदानमा उपलब्ध गराउने ८० अर्ब रुपैयाँ स्वीकार गर्ने निर्णय गरेको छ।

चैत ३० गते बसेको मन्त्रिपरिषद् बैठकले अमेरिकाको अन्तर्राष्ट्रिय विकासका लागि सहयोग निकाय (यूएसएड)बाट प्राप्त हुने ६५९ मिलियन अमेरिकी डलर (७९ अर्ब ७१ करोड) रुपैयाँ स्वीकार गर्ने निर्णय गरेको सरकारका प्रवक्ता एवम् सञ्चार तथा सूचना प्रविधिमन्त्री ज्ञानेन्द्र बहादुर कार्कीले जानकारी दिए।

यस्तै, बैठकले विश्व बैंक समूहको अन्तर्राष्ट्रिय विकास संस्था (आईडीए) बाट १८ अर्ब रुपैयाँ बराबरको सहुलियत ऋण लिने निर्णय समेत गरेको छ ।