सेञ्चुरी बैंकको थप ३ नयाँ शाखा सञ्चालनमा आएको छ ।
बैंकले आफ्नो सेवा विस्तार गर्ने क्रममा बैशाख ८ गतेदेखि नयाँ शाखा सञ्चालनमा ल्याएको हो । बैंकका अध्यक्ष राजेशकुमार श्रेष्ठले छुट्टाछुट्टै कार्यक्रममा उक्त शाखाहरुको उद्घाटन गरी सेवा शुभारम्भ गरेका थिए ।
बैंकले एकै दिन कञ्चनपुर जिल्लाको भीमदत्त नगरपालिकाको वडा नं. ४ को महेन्द्रनगर बजारमा महेन्द्रनगर शाखा, कैलाली जिल्लाको लम्की नगरपालिका वडा नं. १ लम्की बजारमा लम्की शाखा र बर्दिया जिल्लाको गुलरिया नगरपालिका वडा नंं। ७ को गुलरिया बजारमा गुलरिया शाखाबाट सेवा प्रारम्भ गरेको हो ।
बैंकको शाखा उद्घाटन कार्यक्रमहरुमा विभिन्न संघसंस्था एवं निकायका व्यक्तिहरु, उद्यमी व्यवसायीहरु, बैंकका प्रमुख अधिकृत मनोज न्यौपाने, प्रमुख संचालन अनिल रेग्मीलगायत स्थानीयवासीहरुको उपस्थिति रहेको थियो ।
बैंकले देशका विभिन्न स्थानहरुमा शाखा, शाखारहित बैंकिङ्ग र एक्सटेन्सन काउण्टरहरु संचालनमा ल्याई बैंकिङ्ग सेवा प्रदान गर्दै आएको छ ।
बैंकको तीन शाखा संचालनमा आएपछि बैंकको कुल शाखा संख्या १३३ पुगेको छ । बैंकले १० एक्सटेन्सन काउण्टर २४ शाखारहित बैंकिङ्ग र ११३ वटा एटिएम मार्फत सेवा दिदै आएको आएको छ ।
प्रतिक्रिया