Logo

कृषि / सहकारी

तेस्रो त्रैमासमा विन नेपाल लघुवित्तको नाफा ५३ लाख ९४ हजार रुपैयाँ



विन नेपाल लघुवित्त वित्तीय संस्था लिमिटेडले चालु आर्थिक वर्षको तेस्रो त्रैमासिक वित्तीय विवरण सार्वजनिक गरेको छ ।

वित्तिय विवरण अनुसार चालु आर्थिक वर्षको चैत मसान्तसम्ममा लघुवित्तले ५३ लाख ९४ हजार रुपैयाँ खुद नाफा आर्जन गरेको छ । जुन गत आवको तुलनामा २१.८१ प्रतिशतले कम हो । गत आवको यसै अवधिसम्ममा लघुवित्तले ६८ लाख ९९ हजार रुपैयाँ खुद नाफा आर्जन गरेको थियो ।

चैत मसान्तसम्ममा संस्थाको खुद ब्याज आम्दानी ७.२१ प्रतिशतले घटेर ३ करोड २२ लाख रुपैयाँमा झरेको छ । गत आवको यसै अवधिसम्ममा यस्तो आम्दानी ३ करोड ५० लाख रुपैयाँ रहेको थियो ।

त्यस्तै, गत आवमा १ अर्ब ३९ करोड ऋणात्मक रहेको संचालनमा मुनाफामा कमी आएको छ । यस आवमा संचालन मुनाफा ३० करोड १३ लाख रुपैयाँ ऋणात्मक रहेको छ ।

समिक्षा अवधिसम्म संस्थाको चुक्तापुँजी बढेर ७ करोड २४ लाख रुपैयाँ रहेकोमा जगेडा कोषको आकार बढेर २ करोड ६ लाख रुपैयाँ संचित रहेको छ । साथै यस अवधिसम्म संस्थाले बैंक तथा वित्तीय संस्थाबाट ७० करोड ५१ लाख रुपैयाँ सापटी लिएर ८८ करोड ७९ लाख रुपैयाँ कर्जा परिचालन गरेको छ । त्यस्तै, यस अवधिसम्म संस्थाले १६ करोड ५१ लाख रुपैयाँ निक्षेप संकलन गरेको छ ।

कम्पनीको वार्षिक प्रतिशेयर आम्दानी १४.८९ रुपैयाँ रहेको छ भने प्रतिशेयर नेटवर्थ १३९.६४ रुपैयाँ रहेको छ । त्यस्तै, मूल्य आम्दानी अनुपात ८८.३० रुपैयाँ र तरलता अनुपात ५४.४२ प्रतिशत रहेको छ ।

प्रकाशित : २० बैशाख २०७९, मंगलबार

सूचना विभाग दर्ता नं.

१२०७/2075/76

सम्पर्क

Chabahil -7 Kathmandu Nepal
+9779841869701
[email protected] [email protected]

हाम्रो समूह

  • प्रधान सम्पादक
    बिपेन्द्र कार्की
  • प्रमुख कार्यकारी अधिकृत
    कुमार खतिवडा
  • सम्पादक
    सरोज कुमार कार्की
  • संवाददाता
    पार्वती थपलिया
  • प्रकाश भण्डारी
    पुनम साह