सेयर बजारमा ३७ अंकको पहिरो

बिहिबार सेयर बजारमा ३७ अंकको पहिरो गएको छ । नेप्से ३७.०६ अंकले घटेर २ हजार २३८.६२ विन्दूमा झरेको छ ।

आज निर्जीवन बीमा, जीवन बीमा, विकास बैंक र माइक्रोफाइनान्स समूहको सेयर उच्च अङ्कले ओरालो लागेको छ । बैंकिङ १६, विकास बैंक ८८, फाइनान्स ४८, होटल तथा पर्यटन ५९, जलविद्युत् ६६, जीवन बीमा २६०, उत्पादन ५६, माइक्रोफाइनान्स ७३, निर्जीवन बीमा २६५, अन्य २० र ब्यापार उपसमूह ४९ अंकले घटेका छन् ।

आज सबैभन्दा धेरै सूर्या लाइफ इन्स्योरेन्स कम्पनी लिमिटेडको सेयर ८ करोड ४५ लाख ८७ हजार २३२ रुपैयाँ बराबरमा किनबेच भएको छ । समग्रमा बजार ओरालो लागेपनि जाल्पा सामुदायिक लघुवित्त वित्तीय संस्था लिमिटेडको शेयर मूल्य भने १० प्रतिशतले बढेको छ । यस्तै, घलेम्दी हाइड्रो लिमिटेडको शेयरमूल्य ६.८६ प्रतिशतले घटेको छ ।

आज २३२ कम्पनीको ४६ लाख ७४ हजार ९४० कित्ता शेसेयर १ अर्ब ६५ करोड ४५ लाख ६१ हजार ४७२ रुपैयाँमा कारोबार भएको छ ।