नेपालमा फेरि पेट्रोलियम पदार्थको मूल्यवृद्धि हुने संकेत देखिएको छ ।
इन्डियन आयल कर्पोरेशन (आईओसी)ले नयाँ मूल्य सूचीमा भाउ बढाएर पठाएसँगै नेपालमा फेरि पेट्रोलियम पदार्थको मूल्य बढ्ने देखिएको हो । यसअघि भारतबाट प्रतिलिटर १८४ रुपैयाँ ३६ पैसामा पेट्रोल खरिद गर्दै आएको नेपाल आयल निगमले अब एक लिटर पेट्रोल खरिद गर्दा १९२ रुपैयाँ ९४ पैसा तिर्नुपर्नेछ । यस्तै डिजलको खरिद मूल्य एक सय ८८ दशमलव ३३ पुगेको छ भने मट्टीतेलको खरिद मूल्य एक सय ४० रुपैयाँ ३६ पैसा पुगेको छ ।
निगमका अनुसार अब पेट्रोलमा प्रतिलिटर २२ रुपैयाँ ९४ पैसा र डिजलमा ३३ रुपैयाँ ३३ पैसा घाटा हुने देखिए छ ।
निगमले आईओसीलाई महिनाको २ पटक भुक्तानी गर्नुपर्ने हुन्छ । जसअनुसार निगमले मे २०२२ को लागि पहिलो किस्ता १२ अर्ब ८० करोड रुपैयाँ भुक्तानी दिन सकेको छैन । दोस्रो किस्ता वापत आगामी मे २३ मा थप १८ अर्ब भुक्तानी गर्नुपर्ने निगमले जनाएको छ ।
नयाँ मूल्यसूचीका आधारमा निगमले आगामी १५ दिनमा ४ अर्ब ४८ करोड रुपैयाँ घाटा हुने प्रक्षेपण गरेको छ ।
प्रतिक्रिया