दोहोरो अंकले घट्यो सेयर बजार, एक अर्बको कारोबार

शुक्रबार सेयर बजार दोहोरो अंकले घटेको छ । नेप्से १५.८२ अंक घटेर २ हजार २२३.७८ विन्दूमा पुगेको छ ।

बैंकिङ ६, विकास बैंक ३७, फाइनान्स २२, जलविद्युत् २९, जीवन बीमा ७८, उत्पादन ३७, लघुवित्त २०, निर्जीवन बीमा ६८, अन्य २९ र ब्यापार उपसमूह १३ अंक घटेको छ । त्यस्तै, आज होटल तथापर्यटन भने २ अंकले बढेको छ ।

आज सबैभन्दा धेरै रुरु जलविद्युत परियोजनाको सेयर ६ प्रतिशतले बढेको छ भने राष्ट्रिय बिमा कम्पनीको सेयर झण्डै ४ प्रतिशतले घटेको छ । आज २२३ कम्पनीका ४१ लाख १ लाख ४० हजार कित्ता सेयर २१ हजार भन्दा बढी पटक किनबेच हुँदा १ अर्ब २९ करोड ८९ लाख रुपैयाँको कारोबार भएको छ ।