Logo

बिजनेस होम

वाइवाई चाउचाउ इजिप्टमा उत्पादन हुँदै, फहराइयो नेपाली झण्डा


२० जेष्ठ २०७९, शुक्रबार


काठमाडौं । सिजी कर्प ग्लोबलले इजिप्टमा चन्द्रसूर्य अंकित नेपाली राष्ट्रिय झण्डा फहराएको छ ।

नेपालको विश्वब्यापी लोकप्रिय ब्राण्ड वाइवाइको इजिप्टमा प्लान्ट स्थापना गर्ने योजना कार्यान्वयनसँगै त्यहाँ नेपाली झण्डा पनि फहराएको हो ।

सिजी कर्प ग्लोबल नेपालका एक्ला अर्बपति विनोद चौधरीका गैर आवासीय नेपाली (एनआरएन) छोराहरुद्वारा प्रवर्धित कम्पनी हो ।

उक्त कम्पनीले विश्वब्यापी रुपमा वाइवाइको विस्तारका अतिरिक्त हस्पिटालिटी क्षेत्रमा लगानी गर्नुका साथै सिजीलाई एसियाको एक द्रुततर गतिमा सफलता हासिल गर्ने कम्पनीका रुपमा स्थापित गरेको छ । विनोद चौधरी अहिले नेपाली कांग्रेसको नेताका रुपमा राजनीतिमा सक्रिय छन् ।

विहिवार इजिप्टको बेनिसफमा आयोजित एक कार्यक्रमकाबीच वाइवाइ प्लान्टको शिलन्यास गरिएको हो ।

Image

इजिप्टस्थित नेपाली दुतावासका चार्ज डि अफेयर्स दीपक घिमिरे र सीजी कर्प ग्लोबलका वरिष्ठ अधिकारीहरु उक्त कार्यक्रममा सहभागी थिए । वाइवाइको प्लान्ट शिलान्याससंगै उद्योग स्थापना हुने ठाउँमा नेपालको राष्ट्रिय झण्डा राखिएको छ ।

सिजी कर्प ग्लोबलले विश्वब्यापी आफ्ना आइकनिक प्रोपर्टीहरूमा नेपालको झण्डा फहराईरहेको छ । दुवईस्थित जेएलटी होटल, काजखस्थितस्थित वाइवाइ प्लान्ट लगायतका ठाउँहरुमा यसअघि नै नेपाली झण्डाले नेपालको शान बढाइरहेको छ ।

वाइवाइ अन्तर्राष्ट्रिय बजारमा नेपालको सबैभन्दा प्रख्यात ब्राण्ड हो । नेपाल, भारत, बंगलादेश, युरोप, युरेसिया, सेन्ट्रल एसियाबाट वाइ वाइ उत्पादन हुदै आएको छ । विश्व नूडल्स बजारमा तीन प्रतिशतको हिस्सा ओगट्दै वाइवाइ एक शसक्त ब्राण्ड बनेको छ ।

Image

प्रकाशित : २० जेष्ठ २०७९, शुक्रबार

सूचना विभाग दर्ता नं.

१२०७/2075/76

सम्पर्क

Chabahil -7 Kathmandu Nepal
+9779841869701
[email protected] [email protected]

हाम्रो समूह

  • प्रधान सम्पादक
    बिपेन्द्र कार्की
  • प्रमुख कार्यकारी अधिकृत
    कुमार खतिवडा
  • सम्पादक
    सरोज कुमार कार्की
  • संवाददाता
    पार्वती थपलिया
  • प्रकाश भण्डारी
    पुनम साह