एक हजार रुपैयाँले घट्यो सुनको मूल्य

तिहारपछि कारोबारको पहिलो दिनमा सुन एक हजार रुपैयाँले घटेको छ ।

आज सुन तोलामा एक हजार रुपैयाँले घटेसँगै ९३ हजार रुपैयाँ कारोबार भइरहेको नेपाल सुनचाँदी व्यवसायी महासंघले जनाएको छ । यसअघि सुन तोलाको ९४ हजार रुपैयाँमा कारोबार भएको थियो ।

यस्तै, आज चाँदीको मूल्य पनि तोलामा १५ रुपैयाँले घटेको छ । महासंघका अनुसार आज चाँदी पतितोला १ हजार २ सय रुपैयाँमा कारोबार भइरहेको छ ।