रिद्धि सिद्धि सिमेन्टले हात खाली नजाने ‘शून्यको कमाल उपभोक्ता मालामाल’ उपहार योजना ल्याएको छ।
यस योजना अन्तर्गत ग्राहकहरूले हरेक ५० बोरा रिद्धि सिद्धि सिमेन्टको खरिदमा स्क्रयाच कुपन प्राप्त गर्नेछन् । कुपनहरूमा ५०० रुपैयाँदेखि १० हजार रुपैयाँसम्म उल्लेख गरिएको हुन्छ । साथै शून्य अंक उल्लेखित कुपन प्राप्त गरी आफ्नो कुपनमा भएको रकम पछाडि शून्य थप गरी १० गुणासम्म रकम प्राप्त गर्न सकिने कम्पनीले बताएको छ।
यद्यपि ५० भन्दा धेरै संख्यामा ० (शून्य) को कुपन भएपनि प्रत्येक कुपनमा एकपटक मात्र ० लाई पछाडि जोडेर एक लाख सम्म रकम प्राप्त गर्न मिल्नेछ।
यदि पाँच हजार रुपैयाँ वा सो भन्दा माथिको रकम परेमा कम्पनीको आधिकारिक सम्पर्क नम्बरमा रजिष्टर गर्नु पर्नेछ र उक्त रकममा शून्य थप गरिएको अवस्थामा कम्पनीको आधिकारिक व्यक्तिबाट निमार्ण स्थलमै रकम प्रदान गरिने कम्पनीले बताएको छ।
कम्पनीको मुख्य उद्देश्य ग्राहकहरूलाई उच्च प्राविधिक प्रणालीद्वारा उत्पादित सिमेन्ट उपलब्ध गराउनु र राष्ट्रमा सिमेन्ट गुणस्तरको नयाँ आयाम थप्नु रहेको बताइएको छ।
यसै क्रममा कम्पनीले ग्राहकहरूलाई विभिन्न योजनाहरू प्रदान गर्दै आएको छ र यसपाली भने ग्राहकहरूलाई प्रेरित गर्न यो योजना सार्वजनिक गरेको कम्पनीले जनाएको छ।
कम्पनीका अनुसार यो योजना कात्तिक १५ गतेदेखि पुस ३० गतेसम्म मात्र लागू हुनेछ।
प्रतिक्रिया