इष्टर्न हाइड्रोपावरको आइपीओ बाँडफाँट भएको छ ।
बिक्री प्रबन्धक एनएमबि क्यापिटलको कार्यालयमा भएको बाँडफाँटमा ६२ हजार ५१९ जनाले १० कित्ताको दरले सेयर पाएका छन् । बाँकी १२ लाख ९५ हजारभन्दा बढी आवेदकको हात खाली भएको छ।
आइपीओमा १३ लाख ५८ हजार २२० जनाले आवेदन दिएका थिए । कम्पनीले असोज २८ गतेबाट कात्तिक २ गतेसम्म कुल कित्ता सेयरमध्ये ५ प्रतिशत अर्थात् ३३ हजार ५१५ कित्ता सेयर सामूहिक लगानी कोष, २ प्रतिशत अर्थात् १३ हजार ४०६ कित्ता सेयर कर्मचारीहरूका लागि छुट्याइएको थियो भने ६ लाख २५ हजार १९० कित्ता सेयर सर्वसाधारणमा जारी गरेको थियो ।
आइपीओको रिजल्ट बिक्री प्रबन्धक एनएमबि क्यापिटलको वेबसाइट र मेरोसेयर एकाउन्ट, कम्पनीको वेबसाइट तथा सिडीएस एन्ड क्लियरिङको वेबसाइटबाट हेर्न सकिन्छ।
प्रतिक्रिया