पोखरा । पोखरामा ‘पोम्स पेन्टहाउस’ अपार्टमेन्ट सञ्चालनमा आएको छ । छोटो वा लामो समय बस्नका लागि आउने पर्यटकलाई लक्षित गर्दै लक्जरी सर्भिस सहित ‘पोम्स पेन्टहाउस’ अपार्टमेन्ट सञ्चालनमा आएको हो ।
नेपाल चेम्बर अफ कमर्सका पूर्वअध्यक्ष तथा भियतनामका लागि नेपालका अवैतनिक महावाणिज्यदूत राजेशकाजी श्रेष्ठले ‘पोम्स पेन्टहाउस’ अपार्टमेन्टको उद्घाटन गरे ।
आन्तरिक तथा बाह्य पर्यटकलाई लक्षित गरी युवा पर्यटन व्यवसायी पोम नारायण श्रेष्ठले लेकसाइडस्थित वाराही मार्गमा ‘पोम्स पेन्टहाउस’ सञ्चालनमा ल्याएका हुन् ।
किचन, ग्याँस, भाँडाकुडा लगायत घरमा आवश्यक पर्ने सबै सेवा सुविधा अपार्टमेन्टमा उपलब्ध भएको उनको भनाइ छ । ग्रुपमा आउने र परिवार सहित आउनेलाई लक्ष्त गरेर अपार्टमेन्ट सञ्चालनमा ल्याइएको हो ।
पोखरामा परिवार सहित आउने पर्यटकका लागि अपार्टमेन्ट निकै उपयोगी हुने श्रेष्ठले बताए ।
‘लामो समय पोखरा बस्न चाहने पर्यटकलाई अपार्टमेन्ट निकै प्रभावकारी हुनेछ,’ उनले भने । एक दिनमात्रै वा छोटो समय बस्नेले पनि अपार्टमेन्टको सुविधा लिन सक्ने श्रेष्ठले जानकारी दिए ।
पारिवारिक वातावरणमा सेवा लिन चाहनेहरुका लागि अपार्टमेन्ट उपयुक्त हुने उनको भनाइ छ ।
एक रातको नेपालीका लागि ३ हजार देखी १२ हजार सम्म र विदेशीलाई ४० डलर देखी १२० डलर सम्मका कोठा भएको अपार्टमेन्ट १० आना क्षेत्रफलमा निर्माण भएको छ भने यसमा करिब १० करोड लगानी भएको छ ।
पोम्स पेन्टहाउसमा स्टुडियो अपार्टमेन्ट ६ वटा, दुई बेर्डरुपको ४ वटा, थ्री बेर्डरुमको १ र ६ वटा सेरिङ किचन रुम रहेको अपार्टमेन्ट, अन्तर्राष्ट्रिय स्तरको सेवा सुविधा प्रदान गर्ने गरी सुरु गरिएको हो ।
प्रतिक्रिया