नाडा अटो मोबाइल्स एसोसिएसन अफ नेपाल (नाडा) ले विभिन्न माग राख्दै सरकारविरुद्ध आन्दोलनको घोषणा गरेको छ ।
सरकारले विगत आठ महिनादेखि गाडि आयातमा रोक लगाएर अटो व्यवसायलाई नै धरासय बनाउन खोजेको भन्दै नाडाले शुक्रबार पत्रकार सम्मेलनमार्फत चरणबद्ध आन्दोलनको घोषणा गरेको हो ।
नाडाका अनुसार पहिलो चरणमा (मंसिर २२ गतेसम्म) शान्तिपूर्ण आन्दोलन हुने छ । यस्तै, ५ दिनसम्म कालो व्यानरका साथ सरकारविरुद्ध नारा प्रदर्शन गर्ने र छैटौं दिन (मंसिर २२ गते) दिँउसो ११ देखि २ बजेसम्म शान्तिपूर्ण र्यालीसहित धर्ना कार्यक्रम गर्ने जनाइएको छ ।
नाडाले कार, जिप भ्यान लगायत १५० सिसि इन्जिन क्षमता माथिका मोटरसाइकलको आयात फुकुवा गर्नुपर्ने, नगद एलसी मार्जिनको व्यवस्था खारेज गर्नुपर्ने, चालू पुँजी कर्जालाई पुनर्विचार गर्नुपर्ने र बैंकिङ ब्याजदरलाई नियन्त्रण गर्नुपर्ने माग राखेको छ ।
प्रतिक्रिया