चिलिमे जलविद्युत कम्पनीले लाभांश प्रस्ताव गरेको छ ।
कम्पनीको सञ्चालक समितिको बैठकले सेयरधनीलाई आर्थिक वर्ष २०७८/७९ को मुनाफाबाट १५ प्रतिशत लाभांश वितरण गर्ने प्रस्ताव गरेको हो ।
कम्पनीले हाल कायम चुक्ता पुँजी ६ अर्ब ७५ करोड १७ लाख ९४ हजार ६७५ रुपैयाँको ७.५ प्रतिशत बोनस सेयर र ७.५ प्रतिशत नै नगद लाभांश दिने प्रस्ताव गरेको छ ।
कम्पनीको सो प्रस्ताव २२ पुसमा हुने २६ औं वार्षिक साधारणसभाले पारित गर्ने छ । साधारणसभा प्रयोजनको लागि ३ पुसमा सेयरधनी दर्ता किताब बन्द (बुक क्लोज) गर्ने निर्णय गरेको छ । जसअनुसार २९ मंसिरसम्म कायम सेयरधनीले कम्पनीको प्रस्तावित लाभांश र साधारणसभामा सहभागि हुन पाउनेछन् ।
कम्पनीको प्रस्तावित लाभांश २६ औं वार्षिक साधारणसभाले पारित गरेपछि सेयरधनीमा वितरण हुनेछ ।
प्रतिक्रिया