ग्लोबल आइएमई र बैंक अफ काठमाण्डूले पुस २५ गतेबाट एकीकृत कारोबार सुरु गर्ने भएका छन् ।
एकीकृत कारोबारका लागि दुवै बैंकलाई नेपाल राष्ट्र बैंकले पुस १७ र कम्पनी रजिष्ट्रार कार्यालयले पुस १९ गते अन्तिम स्वीकृति प्रदान गरिसकेको छ। ग्लोबल आइएमई बैंकको नामबाट दुवै बैंकको एकीकृत कारोबार सुरु हुनेछ ।
दुवै बैंकबीच मर्जर प्रयोजनका लागि गत असार २ गते प्रारम्भिक सहमति तथा कात्तिक २८ गते अन्तिम सम्झौतामा हस्ताक्षर भएको थियो । दुवै बैंक १ः१ अर्थात बराबरी हैसियतमा मर्जमा जाने सम्झौता गरेका थिए ।
हाल ग्लोबल आइएमई बैंकको चुक्ता पुँजी २३ अर्ब ७९ करोड रुपैयाँ छ भने बीओकेको १० अर्ब ६२ करोड रुपैयाँ छ । मर्जपछि बैंकको चुक्ता पुँजी ३४ अर्ब ४१ करोड रुपैयाँ पुग्नेछ ।
प्रतिक्रिया