सामसङले ग्यालेक्सी एस-२३ सिरिजअन्तर्गत एस २३ अल्ट्रा, एस २३ प्लस र एस २३ को प्रिबुकिङ खोलेको छ ।
सामसङका निर्देशक प्रणय रत्न स्थापितले इच्छुक ग्राहकले प्रिअर्डर अफर समेत छनोट गर्न सक्ने जनाए । ‘ग्यालेक्सी एस २३ आफ्नो हातमा पार्न इच्छुकले आजैदेखि प्रिअर्डर गर्न सक्नेछन् । साथै प्रिअर्डर अफरहरू पनि छनोट गर्न सक्नेछन् ’, उनले भने ‘प्रिअर्डर अफर फेब्रुअरी २२ सम्म वा स्टक रहँदासम्म मात्र मान्य हुनेछ ।’
कम्पनीका अनुसार एस २३ अल्ट्राको मूल्य १२/५१२ जीबीमा २ लाख ९ हजार ९९९ रुपैयाँ तोकिएको छ । त्यस्तै १२/ २५६ जीबीमा १ लाख ९१ हजार ९९९ रुपैयाँ तोकिएको छ । एस २३ प्लसको (८/२५६ जीबी) १ लाख ५१ हजार ९९९ रुपैयाँ र एस २३ (८/ २५६ जीबी)को मूल्य १ लाख २७ हजार ९९९ रुपैयाँ तोकिएको छ । फोन किस्ताबन्दीमा पनि किन्न सकिने सामसङ नेपालले जनाएको छ । मासिक ६ हजार ४ सय रुपैयाँबाट सुरु हुने किस्ताबन्दीमा शून्य प्रतिशत ब्याज रहेको कम्पनीको दाबी छ । कम्पनीका अनुसार फोनमा एक वर्षका लागि एक पटकको ब्रेकेज बीमा पनि रहेको छ ।
प्रतिक्रिया