काठमाडौं । जयन्ती मेमोरियल ट्रस्ट र कार्डियक सोसाइटी अफ नेपालबीच एक समझदारीपत्रमा हस्ताक्षर भएको छ ।
जयन्ती मेमोरियल ट्रस्टको लक्ष्य बमोजिम मुटु रोगको निराकरण एवम् अनुसन्धानमा सहयोग गर्दै जयन्ती मेमोरियल ट्रस्टले युवा अनुसन्धानकर्ताहरूलाई लक्षित गरी अनुसन्धान पुरस्कार स्थापना गर्दै प्रोत्साहन गर्ने व्यहोरा समझदारीपत्रमा उल्लेख छ ।
समझदारी अनुसार जयन्ती मेमोरियल ट्रस्टले १० लाख रुपैयाँ उत्तम सोधपत्रको लागि पुरस्कारको लागि उपलब्ध गराउनेछ ।
प्रतिष्ठानका तर्फबाट अध्यक्ष प्रा.डा. भगवान कोइराला र कार्डियक सोसाइटी अफ नेपालका तर्फबाट डा. विजोय राजवंशीले समझदारीपत्रमा हस्ताक्षर गरे ।
कार्यक्रममा प्रतिष्ठानका उपाध्यक्ष श्रीमती सृजना मल्ल राणा, सदस्यहरु सजनी अमात्य, केश्या राज्यलक्ष्मी राणा, सचिव मदन प्रसाद रिमाल र सोसाइटीका तर्फबाट डा. रत्न मणि गजुरेल र मेरिना पोखरेलको उपस्थिति रहेको थियो ।
प्रतिक्रिया