एनएमबि लघुवित्तको खुद नाफा ९३ प्रतिशतले घट्यो

एनएमबि लघुवित्तको खुद नाफा घटेको छ ।

लघुवित्तले सार्वजनिक गरेको चालु आर्थिक वर्षको दोस्रो त्रैमासीक वित्तिइ विवरण अनुसार कम्पनीको नाफा ९३.०७ प्रतिशतले घटेको छ ।

गत वर्षको यसैअवधिमा ७ करोड २५ लाख रुपैयाँ खुद नाफा कमाएको यस लघुवित्तले चालु आर्थिक वर्षको दोस्रो त्रैमाससम्ममा भने ५० लाख ३२ हजार रुपैयाँ मात्रै आर्जन गर्न सफल भएको छ । यसअवधिमा सञ्चालन नाफा पनि ९३.३१ प्रतिशत ले घटेर ७७ लाख १७ हजार रुपैयाँमा आएको छ । खुद ब्याज आम्दानी २६.८७ प्रतिशतले घटेर १६ करोड ९३ लाख रुपैयाँ पुगेको छ ।

पुस मसान्तसम्म लघुवित्तको प्रतिसेयर आम्दानी १ रुपैयाँ ५३ पैसा र प्रतिसेयर नेटवर्थ १५७ रुपैयाँ १४ पैसा छ ।