कृषि विकास बैंकको सीईओमा गोविन्द गुरुङ नियुक्त

कृषि विकास बैंकको प्रमुख कार्यकारी अधिकृत (सीईओ) मा गोविन्द गुरुङ नियुक्त भएका छन् ।

बैंक सञ्चालक समितिको शनिबार बसेको बैठकले गुरुङलाई सीईओमा नियुक्त गरेको हो । नवनियुक्त सीईओ गुरुङले सोमबारदेखि कार्यभार सम्हाल्नेछन्।

हिमालयन बैंकबाट बैंकिङ क्षेत्रमा प्रवेश गरेका गुरुङले ग्लोबल आइएमई, मेगा बैंक र सिभिल बैंकमा विभिन्न पदमा रहेर आफ्नो जिम्मेवारी सम्हालेका थिए । गुरुङ यसअघि सिभिल बैंकको सीईओ समेत थिए । यस्तै, उनले म्यानमार सिटिजन्स बैंकमा पनि सीईओकै जिम्मेवारी सम्हालेका थिए ।