सामाजिक सञ्जाल ट्वीटरको आम्दानीमा भारी गिरावट आएको छ । वाल स्ट्रिटको रिपोर्ट अनुसार गत डीसेम्बरमा ट्वीटरको आम्दानी ४० प्रतिशतले घटेको छ ।
अर्बपति एलन मस्कले ट्वीटर खरिद गरेसँगै धेरै विज्ञापनदाताहरूले यस सामाजिक सञ्जालमा विज्ञापन दिन छाडेका छन् । विज्ञापन अनुसन्धान फर्म-स्ट्यान्डर्ड मिडिया इन्डेक्सको तथ्यांक अनुसार डिसेम्बर महिनामा मात्रै ट्विटरको विज्ञापन खर्चमा ७१ प्रतिशतले गिरावट आएको थियो । यसले पनि ट्वीटरको आम्दानीमा असर गरेको हो ।
गत नोभेम्बरमा ट्वीटर अत्यन्त कठिन परिस्थितिमा रहेको बताएका मस्कले डिसेम्बरमा भने कम्पनीको आम्दानी-खर्च केही सुधारोन्मूख अवस्थामा आएको जानकारी दिएका थिए।
यसबीच ट्विटर खरिद गर्नका लागि बैंकबाट मोटो रकम निकालेका मस्कले जनवरीमा पहिलो पटक ब्याज भुक्तानी गरेका थिए ।
प्रतिक्रिया