सगरमाथा जलविद्युत कम्पनीले आजदेखि सर्वसाधारणका लागि साधारण सेयर आइपीओ निष्कासन गरेको छ ।
कम्पनीले प्रतिकत्ता १०० रुपैयाँका दरले ४३ करोड ६८ लाख रुपैयाँको ४३ लाख ६८ हजार कित्ता सेयर सर्वसाधारणलाई छुट्याएको छ । जसबाट ४ लाख ३६ हजार ८ सय कित्ता सेयर वैदेशिक रोजगारीमा रहेका नेपालीका लागि बाँडफाँट गरिसकेको छ ।
यस्तै, कम्पनीले २ लाख १८ हजार ४०० कित्ता सेयर सामूहिक लगानी कोषलाई १ लाख ३१ हजार ४० कित्ता सेयर कम्पनीका कर्मचारीकालागि छुट्याएर ३५ लाख ८१ हजार ७६० कित्ता सेयर सर्वसाधारणका लागि निष्कासन गरेको छ । आईपीओमा १२ गतेसम्म आवेदन दिन सकिनेछ । उक्त अवधिमा माग अनुसार आवेदन नपरेमा २२ गतेसम्म आवेदन दिन सकिने छ ।
आवेदनकर्ताले न्यूनतम १० देखि अधिकतम १० हजार कित्तासम्म आवेदन दिन सकिने छ । आवेदनकर्ताले सी–आस्वा सदस्य रहेका बैंक तथा वित्तीय संस्था र मेरो सेयर मार्फत आवेदन दिन सक्नेछन् । यसको बिक्री प्रबन्धकमा प्रभु क्यापिटल रहेको छ ।
प्रतिक्रिया