तोलामा ५ सय रुपैयाँले बढ्यो सुनको मूल्य

नेपाली बजारमा आज सुनचाँदीको मूल्य बढेको छ ।

नेपाल सुनचाँदी व्यवसायी महासंघका अनुसार आज सुन प्रतितोला ५ सय रुपैयाँले बढेर १ लाख ९ हजार ८०० रुपैयाँमा कारोबार भइरहेको छ । यस्तै, तेजाबी सुनको मूल्य प्रतितोला १ लाख ९ हजार ३०० कायम भएको छ।

महासंघका अनुसार आज चाँदीको मूल्य पनि तोलामा पाँच रुपैयाँले बढेको छ । सोमबार प्रतितोला १४ सय ३० रुपैयाँमा कारोबार भएको चाँदी आज १४ सय ३५ रुपैयाँमा कारोबार भइरहेको छ।