भोजपुर उडेको नेपाल एयरलाइन्सको जहाजमा समस्या देखिएपछि पुन: काठमाडौं फिर्ता

काठमाडौंबाट भोजपुर उडेको नेपाल एयरलाइन्सको ट्वीनअटर विमानमा समस्या देखिएपछि पुन काठमाडौं फिर्ता भएको छ ।

बिहान ६ बजेर ३३ मिनेटमा उडेको सो जहाजको ककपिटको दाहिनेतिरको ढोकामा समस्या देखिएपछि काठमाडौं फर्काइएको थियो ।

१६ जना यात्रु लिएर काठमाडौंबाट उडेको जहाजमा ६ माइल टाढा पुगेपछि समस्या देखिएको थियो । जहाज चेकजाँचपछि फेरि भोजपुर पठाइने विमानस्थल कार्यालयले जनाएको छ ।