काठमाडौं । गएको वैशाखमा नेपालले प्रतिदिन ३ अर्ब ९० करोड रुपैयाँ व्यापारघाटा व्यहोरेको छ ।
वैशाखमा १ खर्ब ३३ अर्ब ८१ करोड रुपैयाँ बराबरको आयात हुँदा निर्यात भने १२ अर्ब ६२ करोडमा सीमित रहेको छ ।
यसरी वैशाखमा मुलुकले १ खर्ब २१ अर्ब १९ करोड रुपैयाँ बराबरको व्यापारघाटा ब्यहोर्दा प्रतिदिन ३ अर्ब ९० करोड व्यापारघाटा ब्यहोरेको देखिन्छ ।
भन्सार विभागले आइतबार सार्वजनिक गरेको तथ्यांक अनुसार वैशाखसम्म मुलुकको कूल व्यापारघाटा १२ खर्ब ४ अर्ब ४२ करोड रुपैयाँ पुगेको छ । १० महिनाको व्यापारघाटा गत वर्षको तुलनामा १५ प्रतिशत अर्थात् २ खर्ब २६ अर्ब रुपैयाँले न्यून हो ।
गत वर्षको यही अवधिमा १४ खर्ब ३१ अर्ब व्यापार घाटा थियो ।
वैशाखसम्म कूल वस्तु आयात १३ खर्ब ३५ अर्ब ३२ करोड रुपैयाँको भएको छ यस अवधिमा १ खर्ब ३० अर्ब रुपैयाँको निर्यात भएको छ ।
प्रतिक्रिया